Keppnin og forsvarsmenn hennar:
Bílaklúbbur Skagafjarðar boðar til Ljómaralls í Skagafirði, laugardaginn 28. júlí nk. Keppnin er sú þriðja í röðinni í Íslandsmótinu og fer fram skv. reglum Akstursíþróttasambands Íslands sem fyrir liggja á vefslóðinni www.akis.is
Keppnisstjóri: Þórður Ingvason, sími 698 4342.
Dómnefnd: Ólafur Kr. Guðmundsson, sími 897 6154.
Ásta Sigurðardóttir, sími 846 7415.
Ragnar Róbertsson, sími 777 6111.
Skoðunarmaður: Sigurjón Árni Pálsson, sími 773 6404.
Öryggisfulltrúi: Ingvar Guðmundsson, sími 861 0426.
Dagskrá:
9. júlí mánudagur– Dagskrá birt og skráning hefst.
18. júlí miðvikudagur, kl. 23:59 – Skráningu lýkur.
20. júlí föstudagur, kl. 21:00 – Rásröð birt.
23. júlí mánudagur, kl. 19:00 – Öryggisskoðun keppnisbifreiða við Bíla og hjól, Njarðarbraut 11A, Reykjanesbæ.
24. júlí þriðjudagur, kl. 19:00 – Öryggisskoðun keppnisbifreiða við Frumherja, Dalshrauni 5, Hafnarfirði.
27. júlí föstudagur,
kl. 17:00 – Öryggisskoðun keppnisbifreiða við Hendil, Borgarteigi 5, Sauðárkróki.
kl. 18:30 – Leiðarskoðun um sérleiðina Nafir á Sauðárkróki í fylgd keppnisstjórnar. Önnur leiðaskoðun um Nafir er óheimil.
kl. 19:00 – Starfsmannafundur í Sveinsbúð, húsi Björgunarsveitarinnar á Sauðárkróki.
28. júlí laugardagur,
kl. 07:45 – Fundur með keppendum í Stjórnstöð keppninnar, húsnæði TM við Ártorg, norðurenda þess húss sem hýsir N1 á Sauðárkróki.
kl. 08:00 – Ræsing frá Sauðárkróki – bifreiðastæði við Skagfirðingabúð.
kl. 17:30 – Keppendur koma í endamark, kærufrestur hefst og verðlaunaafhending að honum loknum.
kl. 19:30 – Kvöldverðarhlaðborð á Mælifelli.
kl. 23:00 – Dansleikur á Mælifelli.
Stjórnstöð keppninnar, upplýsingatafla og klukka keppninnar:
Stjórnstöð keppninnar verður, eins og undanfarin ár, staðsett í húsnæði Tryggingamiðstöðvarinnar í norðurenda húsnæðis sem hýsir N1 við Ártorg á Sauðárkróki.
Formleg upplýsingagjöf fram að keppni og meðan á keppni stendur fer fram á facebook síðu Bílaklúbbs Skagafjarðar: https://www.facebook.com/bilaklubburskagafjardar/ og eftir atvikum í stjórnstöð keppninnar (sbr. fundur með keppendum og birting úrslita).
Ástæða er til að hvetja alla til að stilla klukkur sínar eftir opinberu tímatali í Höfuðborg Íslands sem fram kemur á vefslóðinni: https://time.is/ Klukkur í keppninni verða stilltar eftir þeirri klukku með eins mikilli nákvæmni og unnt er.
Skráning:
Skráning hefst við birtingu dagskrár, mánudaginn 9. júlí og lýkur kl. 23:59 miðvikudaginn 18. júlí nk.
Skráning skal fara fram í gegn um skráningarvef á www.akis.is.
Keppnisgjaldið er kr. 17.500 á mann eða kr. 35.000 á áhöfn. Að auki þurfa keppendur að greiða kr. 1.000 á mann til AKÍS. Við skráningu þarf því að greiða kr. 37.000 fyrir hverja áhöfn og rennur þar af kr. 2.000 til AKÍS eða kr. 18.500 á mann.
Engin starfsmannakvöð er í þessari keppni. Ábendingar um fólk sem gæti viljað starfa við keppnishaldið eru þó einkar vel þegnar og má koma á framfæri við keppnisstjóra.
Með skráningu í keppni skuldbinda keppendur sig til að kynna sér reglur og upplýsingar er varða keppnishaldið og fylgja þeim tilmælum í hvívetna sem þar koma fram.
Sérleiðir, leiðaskoðun og ofurleið:
Sérleiðir keppninnar verða eknar um Mælifellsdal, Vesturdal og Nafir, skv. tímaáætlun sem birt verður síðar.
Vekja verður athygli á því að vegurinn um Vesturdal er breyttur á kafla meðfram ánni sem rennur um dalinn, skömmu eftir að ekið er yfir óbrúað vatnsfall á leiðinni. Þeir sem hafa farið leiðina í fyrri keppnum (2016 eða fyrr) og ætla að nota leiðarnótur frá fyrri árum (2016 eða fyrr), þurfa að gæta að þessu sérstaklega. Búið er að gera vegslóða í stað þess kafla sem hvarf í vetur og merkja leiðina með stikum. Keppendur eru beðnir að halda sig við merkta ökuleið.
Skoðun sérleiða er óheimil nema með þeim hætti sem hér greinir:
Frá og með sunnudeginum 15. júlí nk. verður búið að merkja upphaf og endi sérleiða um Mælifellsdal og Vesturdal með litarúða í vegkanti þar sem tímastöðvar verða. Þá opnast fyrir leiðarskoðun. Mega keppendur fara tvær ferðir í hvora átt um viðkomandi sérleið. Gildir það jafnt hvort keppendur aka á eigin bifreið eða ferðast sem farþegar með öðrum. Leiðaskoðun á keppnisbifreiðum er óheimil. Keppendum ber að tilkynna til FYRIRFRAM á netföngin sprautun@bsp.is og km@simnet.is á hvaða tíma þeir ætli að skoða og númer, gerð og lit þeirrar bifreiðar sem notuð verður til leiðaskoðunar. Keppendum ber án undantekningar að sýna gætni við leiðaskoðun og virða umferðarreglur. Brjóti keppendur gegn þessum fyrirmælum að mati keppnishaldara og/eða dómnefndar verður þeim refsað með eftirfarandi hætti:
Fyrsta brot – 5 mínútur sem bætast við aksturstíma sérleiða í keppninni.
Annað brot – brottvísun.
Einungis má skoða sérleið um Nafir í fylgd keppnisstjórnar, föstudaginn 28. júlí kl. 18:30. Lagt verður af stað í þá leiðarskoðun frá Vörumiðlun á Sauðárkróki.
Power Stage eða Ofurleið í þessari keppni verður Vesturdalur 2, þ.e. síðari ferð um Vesturdal sem ekin er frá suðri til norðurs.
Þeir sem koma að lokuðu hliði í leiðaskoðun verða undantekningalaust að loka því á eftir sér.
Sérleið um Nafir:
Sérleið um Nafir liggur innanbæjar á Sauðárkróki. Þá leið má einvörðungu skoða í fylgd keppnisstjórnar, sem fyrr segir. Formlegri keppni lýkur þegar keppendur hafa ræst inn á Nafir 2 og farið á keppnistækjum sínum fyrir eigin vélarafli út úr tímastöðinni, skv. reglum. Það er því ekki hægt að detta út úr keppninni á Nöfum 2 eða ferjuleiðinni að endamarki.
Nafir 2 er gestasérleið og er það góðfúsleg ósk keppnishaldara að keppendur leyfi styrktaraðilum að sitja með þeim ef keppnishaldari óskar eftir því. Fari keppnihaldari ekki fram á að nota sætið, er keppendum heimilt að ráðstafa því að vild. Krafa er þó um að allir sem fara með á gestasérleið noti löglegan og viðeigandi öryggisbúnað, þ.e. belti, hjálm og keppnisfatnað.
Tímabækur skulu keppendur afhenda við lok sérleiðarinnar Nafir 2 og mæta svo í endamark við Skagfirðingabúð kl. 17:30 þar sem úrslit verða birt, kærufrestur hefst og loks verður þar verðlaunaafhending.
Öryggisskoðun keppnisbifreiða:
Skoðun á öryggisbúnaði keppnisbifreiða fer fram 23. júlí kl. 19, hjá Bílar og hjól í Reykjanesbæ, 24. júlí, kl. 19 hjá Frumherja í Hafnarfirði og á Sauðárkróki 27. júlí kl. 17. Á Króknum verður skoðað við Borgarteig 5 þar sem Hendill ehf. er til húsa. Þar verður heitt á könnunni og meðlæti í boði Skagfirska liðsins Tím Úti að aka.
Keppendum ber að tilkynna til FYRIRFRAM á netföngin sprautun@bsp.is og km@simnet.is hvar þeir hyggjast færa keppnisbifreið sína til öryggisskoðunar og eigi síðar en
Þjónustubifreiðar og merkingar þeirra:
Óskað er eftir því að allar þjónustubifreiðar (service bifreiðar) verði auðkenndar með einföldum hætti þar sem fram komi rásnúmer og keppnislið (ef það er til) þeirrar áhafnar sem þeir tilheyra. Skv. reglum ber þjónustubifreiðum og þeim sem þeim aka að virða umferðarlög og fyrirmæli starfsmanna keppninnar.
Starfsfólk og starfsmannafundur:
Fundur með starfsmönnum er fastur liður í keppnishaldinu. Hann mun fara fram föstudagskvöldið 27. júlí í Sveinsbúð, húsnæði Björgunarsveitarinnar og hefst kl. 19. Þar fara starfsmenn yfir hlutverk og staðsetningu hvers og eins og snæða saman léttan kvöldverð. N1 á Sauðárkróki gefur pizzur við þetta tækifæri. Kærar þakkir!
Í samstarfi við KK Restraurant https://www.kkrestaurant.is/ er öllum skráðum starfsmönnum keppninnar boðið án endurgjalds á kvöldverðarhlaðborð og dansleik á Mælifelli að kvöldi keppnisdags 28. júlí. Nánar auglýst síðar.
Kvöldverðarhlaðborð og dansleikur:
Í samstarfi við KK Restraurant https://www.kkrestaurant.is/ verður kvöldverðarhlaðborð á Mælifelli 28. júlí fyrir alla sem koma með einhverjum hætti að keppninni gegn hóflegu gjaldi. Það verður með svipuðum hætti og á síðasta ári en nánar auglýst síðar.
Nauðsynlegt er að skrá sig til þátttöku í kvöldverðarhlaðborðið - í síðasta lagi kl. 8:00, á keppnisdegi 28. júlí.
Dansleikur í lok dags er svo á sínum stað í dagskránni og verður betur kynntur síðar.
Myndatökur og birtingar:
Í reglum AKÍS kemur fram að þeir sem ætli að taka upp myndskeið og dreifa þurfi að sækja um leyfi til AKÍS. Keppnishaldarar geta að auki krafist þess að þeir sem taka ljósmyndir hafi einnig slíkt leyfi. Sjá nánar: http://www.akis.is/leyfi-til-myndbirtingar/
Bílaklúbbur Skagafjarðar setur engar takmarkmarkanir vegna myndatöku aðrar en þær sem fram koma hjá AKÍS. Ljósmyndarar eru því mjög velkomnir. Vert er að hvetja alla til að virða höfundarrétt á verkum þeirra og óska leyfis frá þeim vegna notkunar á myndefni þeirra. Allir fjölmiðlamenn og myndasmiðir verða að sjálfsögðu að virða lokanir og fyrirmæli starfsmanna keppninnar og gæta fyllsta öryggis. Vert er að benda á myndasmiðir eiga er vera vel sýnilegir í öryggisvestum og í öruggri fjarlægð.
Tjaldsvæðið og þjónusta í Skagafirði:
Á tjaldsvæðinu á Sauðárkróki hefur verið óskað eftir plássi fyrir keppendur og fylgdarlið. Það er fyrirtækið Tjöldum í Skagafirði https://tjoldumiskagafirdi.is/is/ sem er gestgjafi þar. Aðstandendur þess fyrirtækis vilja koma á framfæri sérstökum þökkum fyrir góð samskipti og góða umgengni þar í fyrra. Vonum einlæglega að það gangi jafn stórvel í ár!
Vinsamlega gangið vel um svæðið og það fólk sem á vegi ykkar verður þar.
Á vefsíðunni http://www.visitskagafjordur.is/ eru ýmsar upplýsingar um gistingu og þjónustu í Skagafirði og þar starfa einnig upplýsingamiðstöðvar sem gjarnan svara fyrirspurnum gesta um ýmsa þjónustuþætti.
Birt með fyrirvara um ófyrirsjáanlegar breytingar 9. júlí 2018
