SÉRREGLUR Greifatorfæra BA í mótaröð Íslandsmeistaramót - 6.umferð
 

GREIN 1 KEPPNIN

1.1 Keppnin heitir Greifatorfæra BA og er 6. umferð Íslandsmótsins í torfæru 2021.

1.2 Keppt er í Torfæru eins og hún er skilgreind í keppnisgreinarreglum AKÍS fyrir Torfæra.

1.2 Keppnin er haldin samkvæmt Reglubók FIA ásamt viðaukum hennar, keppnisgreinarreglum AKÍS fyrir Torfæra og þessum sérreglum.

1.4 Keppnin fer fram í Torfærusvæði BA, þann 14. ágúst 2021 kl: 11:00.

1.5 Keppninni verður ekki frestað nema til komi Force Majeure aðstæður.

1.6 Keppnin verður felld niður berist ekki að minnsta kosti 5 skráningar.

GREIN 2 KEPPNISHALDARI

2.1 Keppnishaldari er Bílaklúbbur Akureyrar, til heimilis að Hlíðarfjallsvegi 13, Akureyri.

GREIN 3 FRAMKVÆMDANEFND

3.1 Framkvæmdanefnd skipa Valdimar Geir Valdimarsson, Hrefna Björnsdóttir, Einar Gunnlaugsson.

3.2 Framkvæmdanefnd er til heimilis að Hlíðarfjallsvegi 13, Akureyri.

GREIN 4 KEPPNISSVÆÐIÐ

GREIN 4.1 Brautin

4.1.1 Brautirnar liggja um lokað aksturssvæði sem hæfir þeim flokkum sem keppt verður í og þeim ökutækjum sem heimil er þátttaka í keppninni.

4.1.1.a Ekki er um gerðarvottað keppnissvæði að ræða.

4.1.2 Þrautir eru 6 í hverjum flokki, samtal um það bil 70 - 800 metra langar en þó getur það verið breytilegt á milli flokka og ráðist af aðstæðum.

GREIN 4.2 PARC FERMÉ

4.2.1 Parc Fermé er staðsett í pittsvæði, viðgerðir eru leyfðar sem og aðgangur þeirra sem aðgang hafa að pitti.

4.2.2 Ökutæki sem ræsir í síðustu þraut skal keyra í Parc Fermé eftir að hafa lokið akstri. 

4.2.3 Sé ökutækið ekki í ökuhæfu ástandi skal það flutt í Parc Fermé af keppnishaldara. 

4.2.4 Ökutæki skulu vera í Parc Fermé þar til dómnefnd ákveður að þau megi yfirgefa svæðið eða staðfest úrslit séu birt. 

GREIN 5 FLOKKUN OG ÚTBÚNAÐUR ÖKUTÆKJA

5.1 KEPPNISFLOKKAR

5.1.1 Keppt verður í eftirtöldum flokkum ökutækja:

5.1.1.a

Götubílar - Street Legal
Sérútbúnir - Unlimited
Sérútbúnir götubílar - Modified

5.1.2 Ökutæki sem standast öll skilyrði þess flokks sem þau eru skráð í eru gjaldgeng í keppninni.
.

GREIN 6 SKRÁNING

6.1 Engin takmörk eru sett á fjölda ökutækja sem geta skráð sig til keppni.

6.2 Skráning fer fram í gegnum rafrænt skráningarform á vef AKÍS.

6.3 Skráning hefst þegar opnað hefur verið fyrir skráningar á vefnum www.akis.is.

6.4 Skráningu lýkur þann 2021-08-11 23:59:00.

6.5 Skráningar handhafa erlendra keppnisskírteina eru samþykktar í þessari keppni.

6.6 Almennt keppnisgjald (skráningargjald) er kr. 7000 og felur það í sér:

6.6.a þátttökurétt í keppninni;

6.6.b keppnisskírteini keppanda og ökumanns útgefið af AKÍS.

6.7 Heimilt er að 2 ökumenn skrái sig á sama ökutækinu í keppninni.

GREIN 7 TRYGGINGAR

7.1 Öll ökutæki sem taka þátt í keppninni skulu hafa gilda frjálsa ábyrgðartryggingu. 

7.2 Ökumenn slysatryggja sig á eigin vegum og forsendum eftir því sem þeim sjálfum þykir ástæða til.

GREIN 8 KEPPNIS- OG ÖKUSKÍRTEINI

8.1 Ökumenn skulu hafa gild ökuréttindi í að minnsta kosti flokki B samkvæmt reglugerð Samgöngustofu um ökuskírteini nr. 830/2011. 

8.1.1 Hafi ökumaður ekki náð bílprófsaldri er heimilt að veita undanþágu frá þessu ákvæði eins og landslög og reglur leyfa. 

8.2 Ökumenn skulu framvísa gildu ökuskírteini í samræmi við grein 8.1 við mætingu á keppnisstað. 

8.3 Keppendur og ökumenn skulu kynna sér reglur Reglubókar FIA varðandi nauðsynleg keppnisskírteini til þátttöku í akstursíþróttakeppni sem þessari.

8.3.1 Gildri skráningu fylgir rafræn útgáfa viðeigandi keppnisskírteina keppanda og ökumanns frá AKÍS og þurfa þeir því ekki að framvísa þessum keppnisskírteinum sérstaklega.

GREIN 9 MERKINGAR ÖKUTÆKJA

GREIN 9.1 KEPPNISNÚMER

9.1 Keppandi skal  merkja ökutæki sitt sjálfur í samræmi við Torfærureglur - 2021 grein 7.1. 

9.2 Þeir bílar sem ekki hafa keppnisnúmer fá því úthlutað hjá keppnisráði í torfæru. 

9.3 Um auglýsingar á ökutækjum gilda reglur AKÍS og reglur og lög landsins

GREIN 10 RÆSING

GREIN 10.1 ALMENNT

10.1.1 Ökutæki skráð til keppni fær að ræsa hafi það staðist keppnisskoðun.

GREIN 10.2 TÍMASETNINGAR OG HÖGUN

10.2.1 Ræsing fer fram á eftirfarandi tímum og með tilgreindri högun:

Dagskrá

Mæting Keppenda kl. 7:30

Skoðun hefst  kl. 7:30

Pittur lokar   kl. 9:00

Skoðun Lýkur kl 10:00

Keppendafundur  og brautarskoðun kl. 10:00

Keppni hefst  kl. 11:00

2 brautir keyrðar.

Matarhlé í 30 mín.

Keppni hefst á ný og keyrðar eru 4 brautir

Áætluð keppnislok kl. 16:30

Kærufrestur hefst við keppnislok og stendur í 30 mín.

Verðlauna afhending að kærufresti loknum.
 

GREIN 10.3 RÖÐ OG AFSTAÐA ÖKUTÆKJA VIÐ RÆSINGU

10.3.1 Keppnisstjóri eða staðgengill hans dregur handahófskennt í rásröð fyrstu brautar.

10.3.2.a Keppendur sem ræsa fremstir í fyrstu þraut fara afturfyrir í þeirri næstu og svo framvegis með það að markmiði að allir keppendur ræsi framarlega í lágmark 1 þraut.

10.3.2.b Fjöldi keppenda sem fara afturfyrir ræðst af heildar fjölda keppenda í keppninni.

10.3.2.c Flokkar eru keyrðir til enda í þessari röð: Götubílar, Sérútbúnir bílar og Sérútbúnir götubílar.

10.3.3 Vél ökutækja skal í öllum tilfellum vera í gangi við ræsingu.

GREIN 11 SKYLDUR KEPPENDA OG ÖKUMANNA

11.1 Keppendur og allir ökumenn skulu mæta á keppendafund á þeim tíma sem auglýstur er í dagskrá og sitja hann allan.

11.1.a Sé keppandi og/eða ökumaður ekki á fundinum getur keppnisstjóri vísað viðkomandi úr keppni.

11.2 Keppendur og ökumenn skulu þekkja og virða reglur um merkjagjöf í viðauka H við Reglubók FIA, grein 2.5.

11.3 Upplýsingatafla keppninnar er rafræn á vefnum, http://skraning.akis.is/keppni/upplysingatafla/305. Slóð á upplýsingatöfluna verður birt á keppendafundi. Þar birtast allar tilkynningar til keppenda og ökumanna, ákvarðanir dómnefndar og annað sem skylt er, eða þarft, að miðla til þeirra þar til keppni lýkur.

11.4 Keppendur eru minntir á rétt sinn til að leggja fram kærur samkvæmt Reglubók FIA, grein 13.

11.5 Keppendum og ökumönnum er sérstaklega bent á að þekkja og virða siðareglur AKÍS fyrir samfélagsmiðla.

11.6 Öll samskipti keppnisliða fara í gegnum tengilið keppenda. Aðeins keppandi og liðsstjóri eiga þessi samskipti við hann. 

1.Brot Ámining 

2.Brot Rautt spjald , jafnvel brottrekstur úr keppni. 

11.6.a Keppendur og þeirra lið eru beðnir um að láta aðra dómara og starfsmenn keppninar í friði á meðan keppni stendur. 

GREIN 12 ÚRSLIT

12.1 Úrslit ákvarðast samkvæmt keppnisgreinarreglum AKÍS um Torfæra.

12.2 Engin forgjöf er veitt keppendum í þessari keppni.

12.3 Bráðabirgðaúrslit eru birt á upplýsingatöflu keppninnar um leið og tímatökulið hefur tekið þau saman og afhent dómnefnd.

12.4 Lokaúrslit eru birt á upplýsingatöflu keppninnar þegar dómnefnd hefur lokið störfum.

GREIN 13 VERÐLAUN

13.1 Verðlaun verða veitt fyrir 1., 2. og 3. sæti í lokaúrslitum.

GREIN 14 EMBÆTTISMENN OG STARFSMENN

GREIN 14.1 DÓMNEFND

14.1.1 Dómnefnd skipa Hanna Ragnarsdóttir, sem jafnframt er formaður hennar, Einar Gunnlaugsson og Jón Rúnar Rafnsson.

GREIN 14.2 HELSTU STARFSMENN

14.2.1 Keppnisstjóri er Valdimar G Valdimarsson.

14.2.2 Skoðunarmaður er Sigurjón Einarsson

14.2.3 Öryggisfulltrúi er Garðar Sigurðsson.

14.2.4 Tengiliður keppenda er Hrefna Björnsdóttir.

14.2.4 Sjúkrafulltrúi er ekki skipaður sérstaklega fyrir þessa keppni þar sem gert er ráð fyrir að kalla til sjúkrabíl komi upp atvik sem krefjast sérhæfðrar sjúkra- eða læknisaðstoðar við keppendur, ökumenn, starfsfólk eða áhorfendur.

14.2.4.a Almenn verkefni sem telja mætti eðlilegt að sjúkrafulltrúi annaðist falla undir öryggisfulltrúa.

14.2.5 Umhverfisfulltrúi er ekki skipaður sérstaklega fyrir þessa keppni. Allir starfsmenn keppninnar hjálpast að við að sinna hlutverki hans.

14.2.6 Verði breytingar á helstu starfsmönnum eru þær tilkynntar á upplýsingartöflu keppninnar.

GREIN 14.3 HLUTVERK ÖRYGGISFULLTRÚA

14.3.1 Öryggisfulltrúi ber ábyrgð á að framkvæmd keppni stefni ekki áhorfendum, starfsmönnum, keppendum eða tengdum aðilum í hættu.

14.3.2 Öryggisfulltrúi hefur heimild til að stöðva keppni eða einstaka keppendur eða ökumenn, telji hann þörf á því.

14.3.3 Verði slys á fólki ber öryggisfulltrúa að gera skýrslu um atvikið, lýsa aðstæðum og meta mögulegar orsakir.

14.3.4 Öryggisfulltrúa er heimilt að taka ökutæki sem aðild eiga að slysi til frekari skoðunar áður en keppandi fær aðgang að því aftur.

14.3.4.a Slík skoðun má fara fram eftir að keppni lýkur.

GREIN 14.4 HLUTVERK UMHVERFISFULLTRÚA

14.4.1 Hlutverk umhverfisfulltrúa er að tryggja eftir fremsta megni að umgengni á keppnissvæðinu sé til fyrirmyndar og í samræmi við gildandi lög og reglur.

GREIN 14.5 STAÐREYNDADÓMARAR

14.5.1 Staðreyndardómarar eru: Jónas Freyr Sigurbjörnsson , Gunnar Gunnarsson, Jóhann Björgvinsson.