1. Umferð Íslands- og bikarmeistaramótsins í Drift

Lýsing

Fyrsta umferð Íslandsmeistaramóts í drifti 2017 Keppnin fer fram á Aksturssvæði AÍH í Kapelluhrauni við Krýsuvíkurveg.

Kostar litlar 1.500 kr. fyrir áhorfendur, frítt fyrir 12 ára og yngri. DDA búðin verður á sínum stað með gos, nammi og varning tengdan DDA.
Dagskrá:

09:00 Mæting og skoðun hefst.
09:50 Skoðun lýkur.
10:00 Fundur með keppendum.
10:15 Æfingar hefjast. 
12:30 Æfingum lýkur, hádegismatur.
13:00 Hádegismat lýkur og undankeppni hefst.
14:00 Útsláttarkeppni minni götubílaflokks.
15:00 Útsláttarkeppni götubílaflokks.
16:00 Útsláttarkeppni opins flokks.
17:00 Verðlaunaafhending.

ATH dagskrá getur breyst þegar skráningu líkur í takt við skráningu í flokka!

Keppendur verða að mæta fyrir klukkan 09:50 og fá keppnistæki sitt skoðað. Hádegismatur verður á staðnum fyrir keppendur og aðstoaðarmenn og kostar aðeins 500 kr á mann.
Keppendur sem ætla að skrá sig í minni götubílaflokk athugið að samkvæmt reglum AKÍS gilda stig í þeim flokk aðeins til Bikarmeistara.

Ath, einöngu er heimilt að hafa 2 aðstoðarmenn sem fá aðgang að svæðinu frítt. Nöfn þeirra þarf að senda á drift@aihsport.is fyrir Sunnudaginn 28. Maí til að þeir teljist skráðir.
Keppnisgjaldið eru litlar 7.000kr og greiðist það hér á síðunni. Venjulegri skráningu lýkur kl 23:59 fimmtudaginn 25. maí. Eftir það tekur við seinni skráning en verður keppnisgjaldið þá 12000kr. Tímafrestur seinni skráninga er til klukkan 16:00, á laugardaginn 27.Maí. Engar skráningar eftir það.

Til að keppa þarf eftirfarandi að vera í lagi :
Mæta með löglegan hjálm.
Mæta með ökuskírteini.
Vera félagi í einhverju af aðildarfélögum AKÍS.
Vera með Tryggingaviðauka .
Opinn flokkur: Útbúnaður í samræmi við reglur AKÍS.

Allar frekari Upplýsingar í síma 869-5608 eða drift@aihsport.is